తెలంగాణలో కరోనా హాట్‌స్పాట్ , నాన్‌ హాట్‌స్పాట్ జోన్లు జాబితా .....

ఐతే దేశవ్యాప్తంగా కరోనా కట్టడి కోసం దేశంలోని జిల్లాలను కేంద్రం మూడు భాగాలుగా విభజించింది. ఎక్కువ కరోనా కేసులున్న జిల్లాలను హాట్‌స్పాట్‌ గాను తక్కువ కరోనా కేసులున్న ప్రాంతాన్ని నాన్ హాట్‌స్పాట్స్‌‌గా విభజించారు. దేశంలో 170 హాట్‌స్పాట్ జిల్లాలు, 207 నాన్ హాట్ స్పాట్ జిల్లాలు ఉన్నట్లు కేంద్రం పేర్కొంది. హాట్‌స్పాట్‌గా ఉన్న జిల్లాల్లో మరో 14 రోజుల్లో ఎలాంటి కేసులు నమోదైతే వాటిని ఆరెంజ్ జోన్‌లో జాబితాలోకి, ఆరెంజ్ జోన్లోకి వచ్చిన తర్వాత మరో 14 రోజుల్లో ఎలాంటి కేసులు నమోదు కాకుంటే గ్రీన్ జోన్‌గా పరిగణిస్తారు. ఈ 28 రోజుల్లో ఒక్క కొత్త కేసు కూడా నమోదుకాకుంటే ప్రస్తుతం హాట్‌స్పాట్ జిల్లాలు గ్రీన్ జోన్ పరిధిలోకి వెళ్తాయని కేంద్రం తెలిపింది. ఇప్పటి వరకు ఎలాంటి కరోనా కేసులు నమోదుకాని జిల్లాలను గ్రీన్ జోన్‌లుగా పేర్కొంది. తెలంగాణ లోని హాట్‌స్పాట్ మరియు నాన్ హాట్‌స్పాట్ వివరాలను కేంద్రంవిడుదల చేసింది.

తెలంగాణలో జిల్లాలలోని కరోనా హాట్‌స్పాట్ జోన్లు :
హైదరాబాద్, నిజామాబాద్, వరంగల్ అర్బన్, రంగారెడ్డి, జోగులాంబ గద్వాల్, మేడ్చల్ మల్కాజ్‌గిరి, కరీంనగర్, నిర్మల్. ఈ జిల్లాల్లో ఎక్కువ మొత్తంలో కేసులు నమోదయ్యాయి. ఇక నల్గొండ కరోనా క్లస్టర్స్ కలిగిన హాట్‌స్పాట్ జిల్లాగా పేర్కొంది. కేంద్రం.

తెలంగాణలో జిల్లాలలోని నాన్‌ హాట్ స్పాట్స్ జోన్లు :
ఆదిలాబాద్, మహబూబ్ నగర్, కామారెడ్డి, వికారాబాద్, సంగారెడ్డి, మెదక్, ఖమ్మం, సూర్యాపేట, మహబూబాబాద్, భద్రాద్రి కొత్తగూడెం, జగిత్యాల, జనగాం, జయశంకర్ భూపాలపల్లి, కొమరంభీమ్ అసిఫాబాద్, ములుగు, పెద్దపల్లి, నాగర్‌కర్నూల్, రాజన్న సిరిసిల్ల, సిద్దిపేట.