Telangana Websites Won't Be Accessible For 2 Days

ఈ నెల 9వ తేదీ రాత్రి 9 గంటల నుంచి 11న రాత్రి తొమ్మిది గంటల వరకు ప్రభుత్వ వెబ్‌సైట్లకు అంతరాయం కలగనుంది. హైదరాబాద్‌ గచ్చిబౌలిలోని రాష్ట్ర పారిశ్రామిక మౌలిక సదుపాయాల సంస్థ భవనంలోని రాష్ట్ర డేటా కేంద్రం (SDC)లో కొత్త యూపీఎస్‌ యూనిట్‌ ఏర్పాటు దృష్ట్యా ఆ రెండు రోజులు ప్రభుత్వపరమైన ఆన్‌లైన్‌ సేవలు నిలిచిపోనున్నాయి. డేటా కేంద్రం ద్వారా ప్రస్తుతం ప్రభుత్వ వెబ్‌సైట్ల ఆన్‌లైన్‌ సేవలు నడుస్తున్నాయి. రాష్ట్రంలో ఈ సేవలు పెరుగుతుండగా విద్యుత్‌ అంతరాయాలు ఏర్పడుతున్నాయి. ప్రస్తుతం ఉన్న యూపీఎస్‌(అన్‌ఇంటరప్టబుల్‌ పవర్‌ సప్లై) యూనిట్‌ ప్రమాణాలకు అనుగుణంగా లేకపోవడంతో స్థాయిని పెంచాలని నిపుణులు సిఫార్సు చేశారు. దీనికి అనుగుణంగా కొత్త యూపీఎస్‌ను ఏర్పాటు చేయాలని ప్రభుత్వం నిర్ణయించింది.